Ultimate magazine theme for WordPress.

फेरि नाटकीय रुपमा एक हुदैँ एमाले, मध्यरातमा भयो यस्तो कुराकानी !

198

प्रधानमन्त्री एवम् नेकपा एमाले अध्यक्ष केपी शर्मा ओली र वरिष्ठ नेता माधवकुमार नेपाल पक्षका दोश्रो तहका नेताहरूबीच चार घन्टा लामो छलफल भएको छ।

फेरि नाटकीय रुपमा नेकपा एमाले एक हुने संकेत देखिएको छ । विगत केही दिनदेखि संवादहिनताको अवस्था रहेका बेला पार्टी अध्यक्ष केपी शर्मा ओली पक्ष र असन्तुष्ट माधव नेपाल पक्ष बीच सोमबार मध्यरात कुराकानी भएको छ ।

 

सोमबार राति दरबारमार्गस्थित एक होटलमा भएको वार्तामा एमालेभित्रको एकताबारे छलफल भएको थियो।

वार्तामा नेपाल पक्षका तर्फबाट घनश्याम भुसाल, सुरेन्द्र पाण्डे, गोकर्ण बिष्ट र योगेश भट्टराई सहभागी थिए। ओलीका तर्फबाट अर्थमन्त्री विष्णु पौडेल, संसदीय दलका उपनेता सुवास नेम्वाङ र परराष्ट्र मन्त्री प्रदीप ज्ञवाली सहभागी थिए।

ुहामीले पार्टी एकतबारे लामो छलफल गरेका छौं। छलफलका लागि बन्द भएको ढोका खुलेको छ। अब हामी दुबै पक्षले आफ्ना नेताले यसबारे जानकारी गराउछौं,ु बैठकमा सहभागी एक नेताले भने,ुयो छलफल अनौपचारिक भएकाले धेरै विषयमा कुराकानी भए। तर मुख्य विषय पार्टीलाई जेठ २ मा फर्काउने विषय नै महत्वपूर्ण हो।ु

 

नेपाल पक्षले पार्टीलाई २०७५ जेठ २ को संगठनात्मक संरचनामा फर्काउने अडान लिदै आएको छ। तर ओली भने त्यसका लागि तयार भएका छैनन्। ओलीले नेपाल पक्षका नेताहरूलाई पटक(पटक कारबाही गरिसकेका छन्।

वरिष्ठ नेता झलनाथ खनाल र माधव नेपालसहित नेताहरू मुकुन्द न्यौपाने, भीम रावललगायत १३ सांसदलाई पार्टीबाट निश्कासन गरिसकेका छन्। पार्टी नेता एवम् सांसदहरू घनश्याम भुसाल, सुरेन्द्र पाण्डेलगायतका १२ जनालाई ओलीले २४ घन्टे स्पष्टीकरण सोधेका छन्।

कुनैपनि नेताले स्पष्टीकरणको जवाफ भने दिएका छैनन्।

यसैबीच अहिले बस्ने स्थायी कमीटी बैठकमा ओली पक्षीय नेताहरूले नेपाल पक्षीय नेताहरूसँग भएको छलफलबारे ब्रिफिङ गर्दैछन्। आफूले खटाएका नेताहरूले गरेको ब्रिफिङबाट चित्त बुझे ओलीले अरू नेतालाई कारबाही गर्ने छैनन्।

नेताहरूको ब्रिफिङबाट ओली असन्तुष्ट भए भने भुसाल र पाण्डेलगायत नेतामाथि थप कारबाही हुनसक्ने स्रोतको दावी छ।

पार्टीको विवाद समाधानका लागि दुबै तर्फबाट ५(५ जना नेता सहभागी कार्यदल बनेको भए पनि यसको बैठक धेरै समयदेखि बस्न सकेको छैन।

प्रधानमन्त्री ओली तर्फबाट उपप्रधानमन्त्री एंव एमाले महासचिव ईश्वर पोखरेलले पनि वरिष्ठ नेता झलनाथ खनाल र माधव नेपाललाई पटक(पटक भेट गरिसकेका छन्।

खनाल निवास डल्लु र नेपाल निवास कोटेश्वर पुगेर पोखरेलले गरेको अनौपचारिक छलफलले सकारात्मक निकास निकाल्न सकेको छैन।

श्रोत अनलाईन मार्ग