Ultimate magazine theme for WordPress.

प्रधानमन्त्री ओलीले गरे बामदेवलाई प्रधानमन्त्री बनाउने प्रस्ताव

257

काठमाडौँ– प्रधानमन्त्री तथा नेपाल कम्युनिस्ट पार्टी अध्यक्ष केपी शर्मा ओलीले उपाध्यक्ष बामदेव गौतमलाई प्रधानमन्त्री बनाउने प्रस्ताव राखेका छन्।

ओलीले यसअघि गत वैशाखमा पनि आफू प्रधानमन्त्री पद छोड्नु पर्ने अवस्था आएमा गौतमका लागि छोड्ने बताएका थिए।

नेकपा विवाद उत्कर्षमा पुगेका बेला कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल समूहलाई साथ दिइरहेका गौतमलाई ओलीले प्रधानमन्त्री बनाउने प्रस्ताव गरे‍सँगै दाहाल-नेपाल समूह सशंकित बनेका छन् ।

उनीहरुले यो प्रस्तावलाई ओलीले आफ्नो पक्षमा बहुमत पार्ने रणनीति बुनेको निचोड निकालेका छन् ।

प्रधानमन्त्री ओलीले यसअघि गत वैशाखमा पनि प्रधानमन्त्री ओलीले आफू प्रधानमन्त्री पद छोड्नु पर्ने अवस्था आएमा गौतमका लागि छोड्ने बताएका थिए।

बुधबारको स्थायी कमिटी बैैठकमा ओलीले उपाध्यक्ष गौतमलाई प्रधानमन्त्री बनाउने प्रस्ताव राखेको एक नेताले बताए ।

उनका अनुसार प्रधानमन्त्री ओलीले पार्टीको पहिलो तहका सबै नेता प्रधानमन्त्री भइसकेको भन्दै अब पालो गौतमकै भएको बताएका थिए।

ओलीले गौतमलाई प्रधानमन्त्री बनाउन निर्वाचनबाट ल्याउने कि अघि नै अन्तबाट ल्याउने विषयमा छलफल गर्ने समेत बताएका थिए ।

प्रधानमन्त्री ओलीको भनाइ उद्धृत गर्दै ती नेताले भने, ‘अबको प्रधानमन्त्री कमरेड वामदेव हुन्। त्यसका लागि के के कानुनी व्यवस्था गर्नुपर्छ तयार रहनुहोला ।’