Ultimate magazine theme for WordPress.

प्रधानमन्त्रीमा ओलीको पनि दाबी

200

७ जेठ, काठमाडौं ।

नेकपा एमाले संसदीय दलका नेता केपी शर्मा ओलीले पनि

प्रधानमन्त्रीमा आफ्नो पनि दाबी प्रस्तुत गरेका छन् ।

एमालेका १२१ र जसपाका ३२ गरी १५३ जना सांसदको समर्थन

आफूलाई रहेको पत्रसहित प्रधानमन्त्री केपी शर्मा ओलीले दाबी पेश गरेका हुन् ।

प्रधानमन्त्रीका सल्लाहकार विष्णु रिमालका अनुसार दावी पत्रमा

ओलीसँगै जसपाको तर्फबाट अध्यक्ष महन्थ ठाकुर तथा संसदीय

दलका नेता राजेन्द्र महतोले हस्ताक्षर गरेका छन् ।

‘संसदको सबभन्दा ठूलो दल भएकाले हाम्रो दाबी स्वभाविक हो ।

हामीसँग १२१ छ, जसपाले साथ दिएपछि बहुमत पुग्यो’

एमाले प्रमुख सचेतक विशाल भट्टराईले भने ।

यसअघि नेपाली कांग्रेसका सभापति शेरबहादुर देउवाको

पक्षमा १४९ सांसद जुटेको थियो । लगतै प्रधानमन्त्रीमा दाबी गर्न

विपक्षी गठबन्धनका नेताहरुसहित उनी शीतल निवास पुगेका थिए ।