Ultimate magazine theme for WordPress.

१ सय ५३ सांसदको हस्ताक्षरसहित देउवाभन्दा पहिला प्रधानमन्त्रीमा ओलीको दाबी

122

कांग्रेस

सभापति शेरबहादुर देउवाभन्दा पहिले केपी

ओलीले प्रधानमन्त्रीमा दाबी गरेका छन् ।

उनले नेकपा एमालेका एक सय २१ र

जसपाका ३२ सांसदको हस्ताक्षरसहित संविधानको धारा

७६ (५)को प्रधानमन्त्रीका लागि दाबी पेस गरेका छन् ।

आफ्नो दाबी पेस गरेर ओली

राष्ट्रपति कार्यालयबाट बाहिरिएका छन् ।

देउवालाई प्रधानमन्त्रीमा दाबी गर्न विपक्षी

गठबन्धनका नेताहरू पनि एक

सय ४९ जना सांसदको हस्ताक्षरसहित

शीतलनिवास पुगेका छन् ।

नेकपा एमाले संसदीय दलका नेता केपी शर्मा ओलीले पनि प्रधानमन्त्रीमा आफ्नो पनि दाबी प्रस्तुत गरेका छन् ।

एमालेका १२१ र जसपाका ३२ गरी १५३ जना सांसदको समर्थन आफूलाई रहेको

पत्रसहित प्रधानमन्त्री केपी शर्मा ओलीले दाबी पेश गरेका हुन् ।

प्रधानमन्त्रीका सल्लाहकार विष्णु रिमालका अनुसार दावी पत्रमा ओलीसँगै जसपाको 

तर्फबाट अध्यक्ष महन्थ ठाकुर तथा संसदीय दलका नेता राजेन्द्र महतोले हस्ताक्षर गरेका छन् । 

‘संसदको सबभन्दा ठूलो दल भएकाले हाम्रो दाबी स्वभाविक हो ।

हामीसँग १२१ छ, जसपाले साथ दिएपछि बहुमत पुग्यो’ एमाले प्रमुख सचेतक विशाल भट्टराईले भने ।