Ultimate magazine theme for WordPress.

यस वर्ष विद्यालयमा वार्षिक परीक्षा नहुने, नतिजा आन्तरिक मूल्यांकनका आधारमा

216

काठमाडौं।

पोखराका विद्यालयमा यस वर्ष वार्षिक परीक्षा नहुने भएको छ ।

पोखरा महानगरपालिका शिक्षा महाशाखाले सूचना प्रकाशन गरेर कोरोना भाइरसको दोस्रो भेरियन्टको महामारीका कारण

भौतिकरुपमा परीक्षा सञ्चालन गर्न असम्भव भएकाले महानगर अन्तर्गतका विद्यालयहरुमा वार्षिक परीक्षा सञ्चालन नगर्ने निर्णय गरेको हो ।

यसअघि सञ्चालन भएका त्रैमासिक, अर्धवार्षिक परीक्षा एवं

आन्तरिक मूल्यांकनका आधारमा मूल्यांकन गरी नतिजा प्रकाशन गर्न पनि विद्यालयहरुलाई महानगरले निर्देशन गरेको छ ।

पोखराका अधिकांश निजी विद्यालयले भने निषेधाज्ञा जारीअगावै वार्षिक परीक्षा सञ्चालन गरिसकेका छन् ।

महानगरले शैक्षिक सत्र २०७८ को विद्यार्थी भर्नासम्बन्धी कार्य आगामी

असार १ गतेदेखि मात्र शुरु हुने गरी निर्णय भएकाले सोहीबमोजिम गर्न विद्यालयका नाममा सूचनासमेत जारी गरेको छ ।

कक्षा ८ को वार्षिक परीक्षाका सम्बन्धमा भने नगरस्तरीय परीक्षा सञ्चालन तथा समन्वय समितिको निर्णयअनुसार हुने गरी

अर्को सूचना प्रकाशन गरिने शिक्षा महाशाखा प्रमुख हेमप्रसाद आचार्यले जारी गरेको सूचनामा उल्लेख छ ।